Кыргызстандын базарлар, соода ишканалары жана тейлөө тармагынын ассоциациясы жөнүндө кыскача маалымат

Кыргызстандын базарлар, соода ишканалары жана тейлөө тармагынын ассоциациясы 2006-жылдын 10-октябрында түзүлгөн. Өзүнүн натыйжалуу жана жемиштүү ишмердүүлүгүнүн натыйжасында бүгүнкү күндө Кыргызстандагы эң ири ассоциациялардын бирине айланды. Азыркы учурда анын курамында 100дөн ашуун мүчө бар. Ассоциация бизнес жана ишкерлердин кызыкчылыктарын коргоочу ченемдик-укуктук актыларды иштеп чыгууда чоң тажрыйбага ээ. Тагырак айтканда, ассоциация бизнеске тоскоол болгон КР Министрлер Кабинетинин жана КР Жогорку Кеңешинин ар кандай токтомдорунун жокко чыгарылышына салым кошуп, ишкердикти өнүктүрүүгө багытталган жаңы ченемдик-укуктук актылардын кабыл алынышына демилгечи болуп келет.